გიორგი კვესელაძე – ტურის სიმბოლურში, ტურის საუკეთესო მოთამაშე და საუკეთესო ლელო

0
16
Autumn Nations Cup, Aviva Stadium, Co. Dublin 29/11/2020 Ireland vs Georgia Georgia’s Giorgi Kveseladze breaks past Ireland's Billy Burns on his way to scoring his side’s first try of the game Mandatory Credit ©INPHO/Ryan Byrne

ბორჯღალოსნების ცენტრმა გიორგი კვესელაძემ, „შემოდგომის ერთა თასის“ მესამე რაუნდის შემდეგ, ერთი მეორეს მიყოლებით სამი აღიარება მიიღო.
დუბლინში ბორჯღალოსნებმა ირლანდიას დიდი ბრძოლა გაუმართეს, პირველი ტაიმის შუაში კი, 24 წლის ცენტრმა 50-მეტრიანი გარღვევა შესანიშნავი ინდივიდუალური ლელოთი დაასრულა. გარდა ამისა, მან მატჩში 17 ბოჭვა შეასრულა.
კვესელაძემ ყველაფერი წაიღო
მატჩის დასრულებიდან ძალიან მალე, კვესელაძე სხვადასხვა გამოცემების და ბოლოს, ტურნირის ოფიციალურ ტურის სიმბოლურ გუნდში მოხვდა. ქართველის მიმართ საქებარი სიტყვები არ დაიშურეს მსოფლიო დონის ვარსკვლავებმა.
ქართული ინტერნეტის ძალა
მერე ის ჯერ ტურის საუკეთსო მოთამაშის, მოგვიანებით კი საუკეთესო ლელოს ნომინანტებში მოხვდა და აქ საქმეში გულშემატკივრები ჩაერთვნენ. შედეგად გიორგი კვესელაძემ ორივე გამოკითხვა დიდი უპირატესობით მოიგო – საუკეთესო მოთამაშისთვის დავაში თითქმის 89%, ხოლო საუკეთესო ლელოსთვის ხმათა 92% მიიღო.