თბილისის „დინამოს“ განცხადება

0
17

საფეხბურთო კლუბი თბილისის „დინამო“ ფარერების კუნძულების „კლავსიკთან“დიდი ანგარიშით დამარცხების შესახებ განცხადებას ავრცელებს.

„გვსურს გამოვეხმაუროთ გუშინ სკ დინამო თბილისის ხელმძღვანელობის მიმართ გამოთქმულ ზოგიერთ მოსაზრებას. რომან ფიფია არის კლუბის მფლობელი და პრეზიდენტი. დღეისათვის კლუბის მართვას ახორციელებენ მაღალკვალიფიციური მენეჯერები, რომლებიც უზრუნველყოფენ კლუბისა და დინამოს ბავშთა საფეხბურთო აკადემიის გამართულ მუშაობას.

ფარერებზე უეფას ევროპა ლიგის მესამე საკვალიფიკაციო რაუნდის მატჩში ასეთი დიდი ანგარიშით დამარცხება ძალიან მტკივნეული იყო დინამოსთვის და გულშემატკივრებისთვის, რისთვისაც ბოდიშს ვიხდით. ჩვენ ვათვითცნობიერებთ და ვიღებთ ნებისმიერ ობიექტურ და ჯანსაღ კრიტიკას. ამასთანავე ამ მტკივნეული მარცხის განზოგადოება კლუბის მთელ საქმიანობაზე არასწორად მიგვაჩნია“, – ნათქვამია კლუბის განცხადებაში.

ევროპა ლიგის შესარჩევის ნახევარფინალში თბილისის „დინამო“ ფარერების კუნძულების „კლაკსვიკთან“ 1:6 დამარცხდა.