სუპერლიგისა და “ა” ლიგის გათამაშებები 6 აპრილამდე შეჩერდა

0
19

თბილისის ოლიმპიურ სასახლეში საქართველოს კალათბურთის ეროვნული ფედერაციის ხელმძღვანელობა სუპერლიგისა და “ა” ლიგის გუნდებს შეხვდა. საუბარი შეეხო ქვეყანაში ახალი კორონავირუსის საფრთხის გამო საკალათბურთო ჩემპიონატების შეჩერებას. გუნდების წარმომადგენლები დაეთანხმნენ ფედერაციის გადაწყვეტილებას, მსოფლიოსა და ჩვენს ქვეყანაში შექმნილი სიტუაციის გათვალისწინებით  სუპერლიგისა და “ა” ლიგის გათამაშებების 6 აპრილამდე შეჩერებასთან დაკავშირებით.
კალათბურთის ფედერაცია და საკალათბურთო სამყაროს წევრები დააკვირდებიან ქვეყანაში მოვლენების განვითარებას და შემდეგ სამუშაო შეხვედრაზე, რომელიც 6 აპრილს დაინიშნა, ჩემპიონატების განახლებასთან დაკავშირებით იმსჯელებენ.