“ბარსა” “ხეტაფეს” ფორვარდით გაძლიერდება

0
7
“ბარსელონამ” ფორვარდის პოზიციაზე “ხეტაფეს” თავდამსხმელი ანხელ როდრიგესი შეარჩია და კატალონური გრანდი მის შეძენას 10 მილიონი ევროდ შეეცდება. “ბარსას” ტრანსფერის უფლებას უსმან დემბელეს ხანგრძლივი ტრავმის გამო მისცემენ.
“ბლაუგრანა” ბიუჯეტური ფეხბურთელის შეძენაზე მუშაობს, რადგან გამოუვალ მდგომარეობაში 20 მილიონ ევროზე მეტის დახარჯვის საშუალება არ აქვთ. ვილიან ჟოზესა და როდრიგოს ტრანსფერებიც მაღალი ფასის გამო ჩაიშალა.
კიდევ ერთი კანდიდატი “ბეტისის” შემტევი ლორენ მორონი იყო, თუმცა ანდალუსიელები 30 მილიონ ევროს ითხოვენ. საბოლოო სიაში “ბარსას” ლუკას პერესი და ანხელი დარჩა. Marca-ს ინფორმაციით, პირველ რიგში, “ბლაუგრანა” ანხელის შეძენას შეეცდება.
“ხეტაფეს” პრეზიდენტი ანხელ ტორესი მზად არის ანხელ როდიგესის ტრანსფერზე მოლაპარაკებების საწარმოებლად. ფორვარდმა მიმდინარე სეზონში ყველა ტურნირზე ათი გოლის გატანა მოახერხა.