ავსტრია 9:2 გავანადგურეთ

0
4

საქართველოს ფუტსალის ეროვნული ნაკრები ევრო 2022-ის საკვალიფიკაციო ეტაპის მეორე შეხვედრაში ავსტრიას დაუპირისპირდა და მეტოქე ანგარიშით 9:2 დაამარცხა. ჩვენი გუნდიდან პოკერი სიმი საიოტიმ შეასრულა, ჰეთ-ტრიკი არჩილ სებისკვერაძემ, თითო გოლი კი, თალეს ფეიტოსას და ვახტანგ ჯვარაშვილის ანგარიშზეა. ავსტრიის წინააღმდეგ გიორგი ღავთაძემ საქართველოს ეროვნულ ნაკრების შემადგენლობაში პირველი ოფიციალური მატჩი გამართა.
​მოპოვებული გამარჯვებით ავთანდილ ასათიანის გუნდმა 6 ქულა დააგროვა და საკვალიფიკაციო ეტაპის F ჯგუფში ერთპიროვნულად გალიდერდა.

​საქართველო 9:2 ავსტრია
​თბილისი, ოლიმპიური სასახლე
საქართველო: კუპატაძე, რონინიო, სიმი საიოტი, თალესი, სებისკვერაძე
​სათადარიგო შემადგენლობა: ჯამბურია, გიორგაია, თოფურია, ჯვარაშვილი, თოდუა, მაისაია, კურტანიძე, ღავთაძე, ჭუმბურიძე
მთავარი მწვრთნელი: ავთანდილ ასათიანი
​ავსტრია: მრსიჩი, დიზდარევიჩი, იატიჩი, ვაშაუნერი, მუჰარემოვიჩი
მთავარი მწვრთნელი: პატრიკ ბარბიჩი
​გოლები: 1:0 სიმი საიოტი (00:26), 2:0 სებისკვერაძე (07:46), 2:1 ვოზენილეკი (08:06), 3:1 სებისკვერაძე (09:50), 4:1 სიმი საიოტი (15:33), 5:1 სებისკვერაძე (15:52), 6:1 სიმი საიოტი (17:44), 6:2 შტაინვანდტერი (18:41), 7:2 სიმი საიოტი (23:27), 8:2 თალესი (24:42), 9:2 ჯვარაშვილი (39:04)
​მსაჯები: ვიქტორი ბუგენკო (მოლდოვა), ადრიან შოპი (შვეიცარია), იოსიპ ბარტონი ;(ჩრდ. მაკედონია)

საკვალიფიკაციო ეტაპის F ჯგუფში კიდევ ერთი შეხვედრა გაიმართა. თბილისის ოლიმპიურ სასახლეში გერმანია კოსოვოს დაუპირისპირდა და ანგარიშით – 8:4 გაიმარჯვა.
საქართველოს ფუტსალის ნაკრები ევრო 2022-ის საკვალიფიკაციო ეტაპის დასკვნით მატჩს 1 თებერვალს კვლავ თბილისის ოლიმპიურ სასახლეში კოსოვოს წინააღმდეგ გამართავს. შეხვედრა 22:00 საათზე დაიწყება და მასზე დასწრება თავისუფალია. მატჩის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.