საქართველოს ფუტსალის ეროვნული ნაკრები სრული შემადგენლობით შეიკრიბა

0
17

საქართველოს ფუტსალის ეროვნულმა ნაკრებმა თბილისის ოლიმპიურ სასახლეში ღია ვარჯიში გამართა. ავთანდილ ასათიანის გუნდს დღეს ლეგიონერები შეურთდნენ და ეროვნული ნაკრები სრული შემადგენლობით შეიკრიბა. საწვრთნელი პროცესი ერთი საათი გაგრძელდა და მასში მონაწილეობა 15-მა მოთამაშემ მიიღო. მათ შორისაა საქართველოს 19-წლამდე ნაკრების მცველი, გიორგი ღავთაძე, რომელიც ოფიციალური მატჩებისთვის ეროვნულ ნაკრებთან ერთად პირველად ემზადება. გამოცდილმა ფორვარდმა ვახტანგ კეკელიამ კი, დღევანდელი ვარჯიში მსუბუქი ტრავმის გამო გამოტოვა.

საქართველოს ფუტსალის ეროვნული ნაკრების შემადგენლობა:
​მეკარეები: ზვიად კუპატაძე (ტტგ-იუგრა, რუსეთი), თორნიკე ბუკია (ტატიშვილი, თბილისი), ალექსანდრე ჯამბურია (ჯორჯიანსი, თბილისი), დავით კეპაშვილი (თსუ, თბილისი);
მცველები: თალეს ფეიტოსა (ცრვენა ზვეზდა, სერბეთი), გიორგი ღავთაძე (კავკასიის უნივერსიტეტი, თბილისი), ვახტანგ ჯვარაშვილი (ჯორჯიანსი, თბილისი), კახაბერ მაისაია (სალინესი, ბოსნია-ჰერცეგოვინა), მალხაზ მურცხვალაძე (სორო-კომპანია, უზბეკეთი), მიხეილ თევზაძე (თსუ, თბილისი), შოთა თოფურია (ჯორჯიანსი, თბილისი), ნიკოლოზ ზედელაშვილი (დაროჟნიკი, ბელარუსი);
​თავდამსხმელები: ვახტანგ კეკელია (სორო-კომპანია, უზბეკეთი), ნიკოლოზ კურტანიძე (პსპ, თბილისი), რონინიო (ხერსონი, უკრაინა), გია ნიყვაშვილი (ვალეტა, მალტა), სიმი საიოტი (კპრფ, რუსეთი), არჩილ სებისკვერაძე (ცრნიცა, ხორვატია), ფუმასა (აპოელი, კვიპროსი), ლევან სვანიძე (პსპ, თბილისი), ნუკრი ჭუმბურიძე (რედ დრაგონსი, პოლონეთი), ირაკლი თოდუა (აეკ ლარკანა, კვიპროსი).

​საქართველოს ფუტსალის ეროვნული ნაკრები ევრო 2022-ის საკვალიფიკაციო ეტაპის F ჯგუფში გერმანიის, ავსტრიისა და კოსოვოს ნაკრებებთან ერთად იასპარეზებს. ჩვენი გუნდი პირველ შეხვედრას 29 იანვარს 19:00 საათზე გერმანიის წინააღმდეგ გამართავს. მატჩს თბილისის ოლიმპიური სასახლე უმასპინძლებს და მასზე დასწრება თავისუფალია.

საკვალიფიკაციო ეტაპის ფარგლებში გასამართ სამივე შეხვედრის პირდაპირ რეპორტაჟს საქართველოს პირველი არხი შემოგთავაზებთ.