ანჩელოტი “ევერტონს” გაწვრთნის

0
11

60 წლის იტალიელი სპეციალისტი კარლო ანჩელოტი ლივერპულის „ევერტონის“ ხელმძღვანელობას შეუთანხმდა და უახლოეს ხანში კონტრაქტსაც გააფორმებს – გვამცნობს Sky Sports News-ის ტვიტერის გვერდი.

მთავარი მწვრთნელის პოსტზე ის პორტუგალიელ მარკუ სილვას შეცვლის, რომელიც უკვე გაათავისუფლეს და დროებით გუნდს დანკან ფერგიუსონი წვრთნის.

ანჩელოტის ინგლისის პრემიერლიგაში ადრეც უმუშავია, 2009-11 წლებში ის „ჩელსის“ მოძღვრავდა და ლონდონელ “არისტოკრატებს” საჩემპიონო ტიტულიც მოაგებინა.