ქუთაისის 15-წლამდელთა გუნდმა ლატვიაში ევროპის ლიგის ოთხი მატჩი მოიგო

0
26

კალათბურთში არსებული მართებული პრაქტიკა, რომ კლუბებმა საკუთარი მენეჯმენტი უნდა გააძლიერონ და საერთაშორისო ტურნირებში დამოუკიდებლად მიიღონ მონაწილეობა, წარმატებით გრძელდება. ბალტიისა და ევროპის ახალგაზრდულ ლიგებში საკუთარი სახსრებით მონაწილეობა წლების წინ “ჰიუნდაისა” და “აკადემიის” საკალათბურთო სკოლებმა დაიწყეს, რომლებსაც წლეულს კიდევ 2 გუნდი შეემატა. “ვინგსის” შესახებ, რომელმაც ბალტიის ლიგის პირველ წრეში იასპარეზა, ცოტა ხნის წინ გიამბეთ, ახლა კი “ქუთაისზე”, რომელიც 2005 წელს დაბადებულთა ევროპის ლიგაში მონაწილეობს. სპონსორების დახმარებით პირტახია-სვანიძის გუნდმა მოახერხა და აღნიშნულ პრესტიჟულ ტურნირში იღებს მონაწილეობას.

აღნიშნული ლიგის პირველი წრე ლატვიის ქალაქ კანდავაში 7-დან 10 ნოემბრის ჩათვლით გაიმართა. ქუთაისელებმა, რომლებსაც გიორგი პირტახია და საბა სვანიძე წვრთნიან, გამართლი 5 მატჩიდან 4 მოიგეს. იმერულმა კლუბმა ერთადერთი მატჩი ოდესის გუნდთან წააგო.

ცმოკი-მინსკი (ბელარუსი) – ქუთაისი 41:65 (სტატისტიკა)
ქუთაისი – იენა (გერმანია)                      56:44 (სტატისტიკა)
სნეიქსი (ჩეხეთი) – ქუთაისი                   39:45 (სტატისტიკა)
ქუთაისი – ოდესა (უკრაინა)                    50:56 (სტატისტიკა)
ტტუ ტალინი (ესტონეთი) – ქუთაისი   49:72 (სტატისტიკა)

ქუთაისელთა შემადგენლობა ასეთი იყო:
გიორგი ლომინაძე, გიორგი ლამანიძე, ლუკა გორგოძე, თორნიკე ნემსაძე, ლუკა ახვლედიანი, ეგნატე გოგოშიძე, ნიკოლოზ ცირეკიძე, ლუკა ლომთაძე, ბაქარ ბერეკაშვილი, დავით ფესვიანიძე, არჩილ ქობულაძე, გიორგი გიორგაძე
მთავარი მწვრთნელი: გიორგი პირტახია. ასისტენტი: საბა სვანიძე

აღსანიშნავია, რომ ევროპის ახალგაზრდულ ლიგაში გამოდის ქუთაისის 13-წლამდელთა გუნდის, რომელიც საქართველოს კალათბურთის ეროვნული ფედერაციის პროგრამით თანადაფინანსებას იღებს ამ საერთაშორისო ტურნირში მონაწილეობის მისაღებად. “ქუთაისთან” ერთად ბალტიის ლიგაში სამონაწილეოდ პროგრამული დაფინანსებით სარგებლობენ “იბერის” და “ზაზა ფაჩულიას აკადემიის” 13-წლამდელთა გუნდები. ამათ გარდა, ფედერაცია სრულად აფინანსებს ევროპის 3 ასაკობრივ ლიგაში (U14, U15, U16) ქართული კლუბებისგან დაკომპლექტებულ ნაკრები გუნდების მონაწილეობას.

გიორგი პირტახიასა და საბა სვანიძის გაწვრთნილი ქუთაისის გუნდი ევროპის ლიგაში მეორე წრის მორიგ 5 მატჩს 6-9 თებერვალს, პოლონურ სოპოტში ჩაატარებს.

გიორგი პირტახია (მარცხნივ) და საბა სვანიძე (მარჯვნივ) წრის გამარჯვებული ოდესის გუნდის მწვრთნელთან