უეფამ ახალი ტურნირი შემოიღო და ძველების ფორმატი შეცვალა

0
3

2021/22 წლების სეზონიდან უეფას ახალი ტურნირი, ევროპა კონფერენს ლიგა დაიწყება. აღნიშნული ტურნირის დაარსებით კი ევროპული ფეხბურთის მმართველმა ორგანომ ევროთასებზე მოხვედრის სტრუქტურა შეცვალა.

უეფა-ს გადაწყვეტილებით რეიტინგში 32-დან 50-ე ადგილამდე მყოფი ქვეყნებს ჩემპიონთა ლიგის საკვალიფიკაციო ეტაპზე მხოლოდ ერთი გუნდის გამოყვანა შეეძლებათ, ხოლო ევროპა ლიგაზე – არცერთის. კონფერენციის ლიგის შესარჩევ ეტაპზე კი სამი გუნდით წარსდგება. საქართველო ამ ეტაპისთვის რეიტინგში 47-ე ადგილზე იმყოფება. ევროპა ლიგაზე პირველი და მეორე საკვალიფიკაციო ეტაპი გაუქმდა და მხოლოდ მესამე ეტაპი და პლეი ოფი დარჩა.

იმ შემთხვევაში თუ ჩემპიონთა ლიგის პირველი საკვალიფიკაციო ეტაპიდან გამოვარდა ქართული გუნდი კონფერენს ლიგის მეორე საკვალიფიკაციო ეტაპზე გადაინაცვლებს. ხოლო თუ მეორე ეტაპიდან გამოვარდება უკვე ევროპა ლიგის მესამე შესარჩევ ეტაპზე იასპარეზებს. ევროპა ლიგაზე თამაში მაქსიმუმ ქვეყნის ჩემპიონს შეეძლება. აქედან გამომდინარე, 2021 წლიდან საქართველოს ჩემპიონატში მეორე და მესამე ადგილზე გასულები ახალ ტურნირზე იასპარეზებენ, მათ კი თასის მფლობელი შეუერთდებათ.

უეფა-მ აღნიშნული გადაწყვეტილება ევროპა ლიგის ტურნირის გასაძლიერებად მიიღო და უკვე ცნობილია, რომ აღნიშნული ტურნირი ჩემპიონთა ლიგის მსგავსად 32 გუნდიანი გახდება და ფორმატი იგივე ექნება.