“დინამო” Gallini Budapest Cup გამარჯვებულია

0
35

“დინამო თბილისის” 13-წლამდელთა გუნდმა ბუდაპეშტში Gallini Budapest Cup 2019 მოიგო.

თბილისელებმა ფინალური შეხვედრაც მაღალ დონეზე ჩაატარეს და კვიპროსულ “ომონიას” 4:2 აჯობეს. აღსანიშნავია, რომ მთელი ტურნირის მანძილზე დინამოელებმა გოლი მხოლოდ ფინალურ შეხვედრაში გაუშვეს.

ომონიას კარში ორი გოლი ანდრია კერესელიძემ გაიტანა. თითო ზუსტი დარტყმა კი ლუკა ბუბუტეიშვილის და დავით ქელდიშვილის ანგარიშზეა. ორგანიზატორებმა დინამოელები საჩემპიონო თასით და ოქროს მედლებით დააჯილდოვეს, ხოლო ნიკა ბენდიანიშვილი ტურნირის საუკეთესო ფეხბურთელად აღიარეს.

რევაზ გვარაკიძის გუნდმა ჯგუფში ფინური “იაპსის” 2:0 და ალბანური “ჯელნია შკოდრანეს” 4:0 დამარცხების შემდეგ, მეოთხედფინალში ავსტრიულ “ვაკერ ინსბრუკს” 2:0 აჯობა. ნახევარფინალში “დინამო” ბუდაპეშტის “ჰონვედს” შეხვდა და 2:0 მოიგო. სულ ტურნირში 24 გუნდი მონაწილეობდა.

U13 დინამო თბილისი –ომონია 4:2
U13 დინამო: საური, ხუფენია, გრიგალავა, ქელდიშვილი, ბენდიანიშვილი, ფეიქრიშვილი, პატარკაციშვილი, ვარსიმაშვილი, კერესელიძე, შაშიაშვილი, მამასახლისი.
სათადარიგო სკამი: ხელაშვილი, ბუბუტეიშვილი, თურქია, ბერძენიშვილი, სალია