ფაჩულიას წარმატებული დებიუტი “დეტროიტში”

0
4

“დეტროიტ პისტონსში” ზაზა ფაჩულიას ოფიციალური დებიუტი შედგა. ქართველმა ცენტრმა სეზონის გახსნის მატჩში “ბრუკლინის” წინააღმდეგ ითამაშა და თავის გუნდს გამარჯვების მოპოვებაში დაეხმარა. დეტროიტელებმა შეხვედრა დაძაბულ ბრძოლაში – 103:100 მოიგეს.
ფაჩულია სათადარიგო იყო. ცენტრის პოზიციაზე უმეტესი დრო – 32 წუთი ანდრე დრამონდმა გაატარა, რომელმაც 24 ქულით და 20 მოხსნით მატჩის საუკეთესო შედეგი დააფიქსირა. ქართველ ცენტრს თამაშმა 15 წუთით მოუწია, რა დროშიც ის საკმაოდ პროდუქტული იყო და 6 ქულა, 7 მოხსნა, 4 პასი, 2 ჩაჭრა და 1 დაფარება მიითვალა.
ზაზამ 6-დან 2 ორქულიანი და 2-დან 2 საჯარიმო ჩააგდო, ბურთი 2-ჯერ დაჯარგა და 5-ჯერ დაჯარიმდა. დეტროიტელებს გამარჯვებაში ბლეიკ გრიფინი 26 ქულით, ხოლო რეჯი ჯექსონი 19 ქულით დაეხმარა.
მომდევნო მატჩი დეტროიტელებს 21 ოქტომბერს, ჩიკაგოში “ბულზთან” ელით.